Perëndimi i formimeve të fiseve shqiptare të dorës së dytë: Arjanitët, Zenevizët, Masrekët, Shpatët, Skurajt, Matesët, Letinët, Buzëzezët, Logoresët, Arbënt. Vdekja e tyre është lindje e dinastive. - Dita e madhe e katundit të Zetës e të Shqipërisë.

...

Në një listë anzhuine (Acta Albaniae 1. 563) përmenden 13 fise të cilat në vitin 1304 banonin ndër ato vise. Lista origjinale në bazë të së cilës u punua shkresa mbretërore anzhuine e ruajtur duket se është shkruar në gjuhën greke. Kjo statistikë del në dy lista e në tre vende; megjithate sipas tekstit emrat e fiseve lypsej të ishin në rasën dhanore. Statistika stereotipisht thotë kështu: ‘’Albos, Spatos, Catarucos, Bischesini, Aranitos, Lecenis, Turbaceos, Marchaseos, Scuras, Zeneuias. Bucceseos, Logoreseos, Mateseos fidelibus suis”.

...

“Logoresejt” mendoj se do të kenë banuar në malet Akrokeraune, një pjesë e të cilave quhet sot Lungarë.